الشايب يدلل والشاب يعلل... ليش هالمقولة ومارأيكم ..؟

السلام عليكم ورحمة الله وبركاته .....

يوجد مثل او مقوله اللي هي ...
الشايب يدلل والشاب يعلل


ولكنه اكبر من مجرد مثل او مقوله تنقال !!
وهذا الموضوع جدا مهم وابي رأيكم بكل صدق

لكن قبل ماندخل بالموضوع
خلونا نتابع هالمشهد.. بين صديقتين

أفنان : ساره وش تقولين ؟؟
انتي من جد تتكلمين او تمزحين ؟؟!!

سارة: اييه وربي بجد يا افنان..
ليش اخذ لي واحد توة باول حياتة وانتظره
يكون نفسة واضيع عمري؟!!
اخذ لي هالكبير.. جاهز وفلوسة جاهزة
وبيعيشني ملكةويدلعني!!

أفنان: وشبابك بيروح مع هالشيبة؟؟

سارة: لا بالعكس راح يضيع مع شبابي مع
هالشباب
انتظره لين مايكون نفسة ويبني حاله؟؟..
اوووووف اخذ واحدكبير وفاهم وظامنه انه بيدلعني ومايشوف غيري .. اريح نفسي !!

ـــــــــــــــــــــــــــــــــــــــــــــــــ

مشهد آخر ..

العنود: وااااااااي شوفية يجنن.. هيبة وجمال
وكل شي..

منيرة: ميين ؟؟تقصدين هالشيبه؟؟؟ !!!


العنود: ايييه شوفيه تحسين رغم هيبتة انه حنون..
خاطري ابي رجلي يكون كذا..

منيرة: عاد شبابنا الحنية مقطعتهم .. خخخخ ><

العنود:لا مابي شباب.. تحسينهم مايعبرون زوجاتهم..ولايهتمون..
ابي واحد كبير احسن..
يكون حنون واتدلع عليه..

(اللي ماتعرفونة .. ابوالعنود وامها منفصلين .. وماتشوفة الا نادرا )


هالموقفين يعبرون عن نماذج قمنا نشوفها في حياتنا .. بنات صغار و يتزوجون كبار
في السن وهم راضين.. بعكس اللي نشوفه بالافلام
ان الابو يجبر البنت عليه !!
وحتى شفنا بنات بعمر الورود
يرافقون كبار السن ويتركون الشباب .. "
مااقول ان هالنوع من العلاقات مقبول عندي ..

سواء شاب ولا شايب ..
بس المقصود هو سعي البنات ورا كبار السن " !!
نذكر في هالموقفين سببين للجوء البنات
لكبار السن..
منها طمع ومنها البحث عن اب بديل في اطار شرعي ..
ولكن ماهي الاسباب الاخرى اللي
ورا هذا النوع من الزواجات؟؟ !!


اسئله للبنات :

1_ماهو موقفك من هالنوع من الزواج ؟
2- بأي عمر ممكن تقبلين بالزواج من كبيرالسن ؟
3- ماهي الاسباب اللي بتخليك تقبلين فيه ؟
4- هالنوع من الزواج .. هل يأثر على صورة
البنت و اهلها من وجهة نظرك سواءبالسلب
او الايجاب ؟
5- هل صحيح ان
" الشايب يدلل والشاب يعلل " ؟

اسئلة للشباب :


1_ماهو موقفك من هالزواج ؟
2_بعد عمر طويل ..
ماهي الاسباب اللي بتخليك تتزوج
بنت صغيرة وانت شايب ؟
3- هل يأثر هذا الزواج على
صورة الزوجين في المجتمع ؟
4- و هل صحيح ان "
الشايب يدلل والشاب يعللل؟؟

تشكر للموضوع الرائع بأنتظار أبداعك

عاشت الايادي موضوعروعة